Chale Na we all think say as the beef die sekof Shatta Wale Talk yesteee say e no go reply Sarkodie for the “Advice” song but Check like somebody way chaw boys no know am say e no go let Sarkodie go free.
Some upcoming rapper way we hear say ebi friend of Shatta Wale carry some punches wack Sarkodie en top plus some new song titled ‘Advice Yourself’ since Shatta Wale say eno go fi gather de strength to properly reply Sarkodie’s ‘My Advice’.
Chale we for Ghkasa.com wan Talk say Chymny Crane en punches for Sark en top be killer way every good listener plus sharp mind go reck say Chymny kill Sark at once.
We hear say Chymney Crane rapper way e dey on a low for chaw years.
If you listen de song well, Chymney use Sark naaa en own instrumental way e diss Sark well well. E san talk say, Sark en own signee, Strongman rap farrr better than en Sark, that be why Sark sign Strongman make e block en shine.
De punch way de kill we be where e talk say, Sarkodie refer to ‘Irish Cream’ say ‘Irish Cream’ be food ingredient for en song be top, way Sark san lie say Akon sign am for Akon en Konvict Music label top.
We beg make you listen to Chymney Crane en diss to Sarkodie below then tell we what you de think;